Visita á granxa Sarantellos

O pasado 17 de marzo, e grazas á subvención da Deputación de Pontevedra dentro do programa Vive o rural, o alumnado de infantil  acudiu á Granxa Serantellos. 

Os cativos fixeron pan e compost, desfrutaron cos coellos, poliños, pavos reais, patos, ocas, porco, cabalo, cabras, cordeiros...

Foi unha xornada moi enriquecedora! 

Club de lectura 5º e 6º

Ao longo dos primeiros meses deste curso,o alumnado de 5º e 6º de primaria limos o libro “La muy catastrófica visita al zoo” de Joël Dicker.

Este libro trata duns nenos dun colexio especial, que se levaron un gran disgusto xa que o seu colexio se inundou e tiveron que trasladarse ao cole de nenos e nenas 'normais'. A partir dese momento abriron unha investigación para saber quen foi o culpable. Alí foi cando empezaron todas as catástrofes desde a inundación ata a visita ao zoo, unhas catástrofes cheas de emoción como o da clase de seguridade vial, a catastrófica clase de ximnasia...

Durante a lectura na aula, o alumnado de quinto íamos facendo un mural das personaxes e catástrofes que ían aparecendo. 

Ao rematar o libro xuntámonos, profes e o alumnado de 5º e 6º para intercambiar opinións e impresións. Fixemos preguntas sobre cal foi o noso personaxe favorito, os valores que transmiten, a nosa escena favorita...

A valoración xeral foi moi positiva, a todos e todas gustounos moito.

Recomendamos este libro porque ten valores moi importantes sobre a inclusión, sobre a diversidade e o respecto. Os nenos e nenas protagonistas tamén transmiten moita positividade e son moi graciosos. 

Este libro é adecuado para todas as persoas, sen importar a idade! 

Se che gusta partirte de risa este libro esta feito para ti.

Texto elaborado polo alumnado de quinto de primaria. 

Un Entroido con moita maxia

Como se dunha chisteira saísen os coellos dun mago, así apareceu a cativada de Infantil para darlle a benvida ao Entroido. Entre ilusións, sorrisos e moita fantasía, o patio do colexio transformouse nun escenario máxico.

Harry Potter abriu as portas a un bosque encantado no que habitaban fadas, trasnos, elfos e gnomos seguidos de personaxes saídos das películas O Mago de Oz e Wicked, enchendo cada recuncho de cor, música e fantasía.

O colexio enteiriño converteuse nun lugar, onde a imaxinación era a mellor varita e cada neno e nena, un pequeno feiticeiro capaz de facer realidade o imposible.

Todo o alumnado pasou polo esceario para entoar as cancións do proxecto, creadas con moita maxia polo profe Jose, para rematar cunha degustación de doces típicos aportados polas familias, que nos acompañaron neste día tan especial

Podedes escoitar  o programa de radio de Entroido, que gravaron os alumn@s de primeiro e segundo nos obradoiros de linguas.

Durante toda a semana estivemos atentos aos mandadiños de Torriño.

Pechamos unha época chea de maxia, pero xa estamos argallando un plan, porque a Torre Encantada dos Soños non descansa.

Manuel Dopazo visita a Torre encantada dos Soños

 Manuel Dopazo visitou o CEIP Torre Cela para achegarnos a maxia do Entroido tradicional da Illa de Ons. A través das súas explicacións descubrimos quen eran os seus personaxes máis característicos, como eran os traxes e complementos que empregaban os isleños e que instrumentos non podían faltar para dar vida á Festa. Tamén nos falou dos pratos máis saborosos e típicos desta época do ano, que forman parte da identidade gastronómica da Illa.

Foi unha experiencia moi enriquecedora, da que aprendimos non só curiosidades e costumes, senón tamén o valor de manter vivas as nosas tradicións e de seguir transmitíndoas ás novas xeracións.

Pasou por radio Faladoiro e alí respondeu ás preguntas que tiña preparadas o alumnado de 6º de educación primaria.

Rosalía na Torre dos encantada dos Soños

A homenaxe a Rosalía de Castro, converteuse nunha celebración chea de emoción, palabra viva e orgullo pola nosa autora máis universal. No aniversario do seu nacemento, o alumnado mergullouse na súa obra para crear novos poemas inspirados nos seus versos, xogando co ritmo, coa musicalidade e coa forza do amor por Galicia, que  Rosalía deixou como legado. Cada creación foi unha maneira  de traer ao presente a súa voz e de facer propia a súa sensibilidade compartindo os seus soños cos do alumnado.

O traballo poético completouse cunha visita a Radio Faladoiro, onde os nenos e nenas recitaron fragmentos da obra rosaliana a modo de feitizos.

Non deixedes de escoitar os programas de radio adicados a Rosalía, porque lembrar a Rosalía é querer a Galicia.

Celebrar a Rosalía é tamén celebrar a lingua, a cultura e a historia que nos une!

Sabela Gago no Ceip Torre Cela

Sabela Gago visitou a nosa biblioteca para impartir un obradoiro de biblioteca creativa que encheu o espazo de imaxinación. A partir dun conto inicial, que serviu como inspiración, guiou aos rapaces e rapazas nun proceso de creación artística.

Traballaron con pequenos recortes, texturas e cores variadas, combinándoas de maneira libre ata dar vida a personaxes únicos. O resultado foi unha auténtica galería de monstruos creativos, todos diferentes, todos especiais, con personalidade e inventiva dun traballo colaborativo.

Grazas Sabela! Sempre é un placer terte na nosa biblioteca!

Obradoiro de Rap

Hoxe na Torre encantada dos soños do Torre-Cela, os alumnos de 5° e 6° de primaria, tivemos a sorte de contar, a través da nosa biblioteca creativa, cun obradoiro de rap, a cargo de Pedro Iglesias, especialista en comunicación audiovisual e técnicas de rap.

Impartiunos un obradoiro de escritura de rap, que se iniciou nas técnicas e recursos tamén de poesía, para terminar enlazándoo e escribindo uns versos que rapeamos sobre unha base musical.

Moitas grazas Pedro, foi un verdadeiro pracer aprender hoxe contigo!