Semana da prensa nun cole de película

 A Semana da Prensa foi unha oportunidade para explorar o mundo do xornalismo dende un punto de vista creativo e enriquecedor. Como parte das actividades, os alumnos decidiron poñerse na pel dos críticos de cine e crear reseñas de películas seguindo o estilo dos periódicos.

Con esta iniciativa,  aprenderon a analizar películas con mirada crítica, destacando os elementos máis salientables como o guión, a interpretación dos actores, a música e a dirección. Inspirándose nas reseñas reais dos xornais, esforzáronse por escribir textos que combinan a análise técnica co estilo informativo e atractivo característico deste tipo de publicacións.

Tamén traballamos a entrevista, buscamos información de actrices e pasamos por Radio Faladoiro para entrevistalas.

 

A Semana da Prensa no Ceip Torre Cela, converteuse nunha celebración que vai máis aló da lectura de xornais, converteuse nunha oportunidade de traballar no proxecto de centro, "Un cole de película", onde o cine é o protagonista.

Este curso será de película!

Día mundial do TEA

 No día mundial da Concienciación sobre o Autismo, visibilizamos e reflexionamos co alumnado sobre canto nos enriquece aceptar e aprender da súa diversidade. As capacidades das personas TEA son limitadas e únicas, como o símbolo do infinito cos que hoxe lles damos voz.

Coa mestra  Mariló, viaxamos á academia de especialistas e acercámonos, a través do cine e os contos a súa realidade.

Cada mente é única. Este curso  será de película!

Encontro club de lectura do terceiro ciclo

 Nestes días estamos de encontros. O alumnado de terceiro ciclo de educación primaria reuníronse para falar da súa lectura " Hugo Cabrer". Tod@s coincidiron que a pesar de ser unha lectura longa,  foi  amena e divertida. A invención de Hugo Cabret é unha obra mestra que combina narrativa escrita e ilustracións impresionantes para crear unha experiencia única. A historia transcorre na París dos anos 30 e segue a Hugo, un rapaz orfo que vive nunha estación de tren. Hugo dedica a súa vida a manter en funcionamento un autómata, un legado do seu pai, e a desentrañar os misterios que o rodean.

A trama mestura misterio, aventura e un toque de maxia, mentres Hugo e a súa amiga Isabelle descobren segredos sobre o pasado dun pioneiro do cine, Georges Méliès. Nesta ocasión puidemos relacionar o libro escollido co muno do cine para completar con esta actividade o noso proxecto " Un cole de película". 

As ilustracións de Selznick non son só complementos, senón unha parte esencial da narrativa, que engade profundidade e emoción á historia.

Entre tod@s chegaron á conclusión de que este libro é unha homenaxe á creatividade, á resiliencia e á importancia dos soños. É ideal para lectores de todas as idades que buscan unha historia conmovedora e visualmente impactante.

Como cada club de lectura que facemos, levamos unha chapa para o recordo e momentos compartidos arredor de libros. Así que, xa estamos planificando a seguinte lectura.

Este curso será de película!

Encontro do club de lectura do 2º ciclo

Estes días fixemos as xuntanzas dos clubes de lectura. Por unha banda, reuníronse os nenos e as nenas de terceiro e cuarto de primaria, logo de ler Dona Problemas, unha obra literaria do Hermatocrítico. 

O libro conta as aventuras de Dona Problemas, unha protagonista única, enfrontada ás situacións máis divertidas e inverosímiles. A través do humor, a perspicacia e unha boa dose de ironía, o autor consegue abordar temas do día a día dende unha perspectiva orixinal que fai reflexionar mentres arrinca sorrisos.

Os membros do club destacaron a habilidade do autor para conectar cos lectores. Ademais, falaron sobre como as historias de Hematocrítico inspiran unha paixón pola lectura e pola creatividade.

Unha vez máis, os libros de Hematocrítico demostraron ser unha elección perfecta para fomentar a lectura compartida e o debate, deixando a todos ansiosos pola seguinte obra que poidamos descubrir xuntos.

No encontro fixemos un mural onde plasmamos aos personaxes, os momentos favoritos e as emocións que nos tranmitiu esta lectura. Como colofón ao noso encontro, creamos unha chapa na que aparece a portada do libro e realizamos un sorteo dos exemplares que utilizamos para ler.

Vémonos no seguinte encontro!

COMPOSITORAS DE CINE

Na aula de música, os alumnad@s de quinto e sexto embarcáronse nunha fascinante investigación sobre compositoras de bandas sonoras no cine. Este proxecto non só foi unha oportunidade para ampliar os seus coñecementos, senón tamén para dar visibilidade ao talento feminino nun campo tan importante como o da música para a gran pantalla.

A través deste traballo, os rapaces exploraron as traxectorias de grandes figuras como Rachel Portman, primeira muller en gañar un Oscar pola banda sonora de "Emma"; Hildur Guðnadóttir, recoñecida por "Joker" e "Chernobyl"; ou Anne Dudley, cuxas composicións para "The Full Monty" e outras obras marcaron historia. Descubriron o impacto destas mulleres na industria e como a súa música contribúe a crear emocións e a contar historias inesquecibles.

Ademais, escoitaron as bandas sonoras, reflexionaron sobre o seu papel nas películas e incluso se animaron a compartir as súas reflexións . Este proxecto, permitiu entender a relevancia da música no cine e o valor de recoñecer o talento feminino neste ámbito.

Este curso será de película!

 

Visitamos a TVG

O xoves 27 de marzo o alumnado de terceiro a sexto  descubrimos o fascinante mundo da Televisión de Galicia (TVG). Foi unha xornada chea de aprendizaxe. Comezamos a nosa experiencia visitando as instalacións centrais, onde descubrimos varias salas e platós de gravación.

A continuación, dirixímonos ao famoso Plató 1000, un dos espazos máis recoñecidos da TVG. Durante o percorrido, tivemos a sorte de  ver o corazón da acción, a sala de control e  visitar diferentes platós coma o de Luar, Land Rober ou o Rei da comedia. Descubrimos que é  importante que  técnicos e operadores traballen con tanta precisión para que todo saia perfecto.

Este tipo de experiencias permítennos coñecer de preto o gran esforzo que ao igual ca no cine,  hai detrás das cámaras e comprender mellor o mundo que vemos na pantalla. 

Grazas á Televisión de Galicia por abrirnos as súas portas e deixarnos descubrir os segredos da súa maxia!

Este curso será de película!

DESEÑAMOS OS PREMIOS TORRE CELA

O alumnado de 1º e 2º de educación primaria están a elaborar as súas propias versións dos famosos premios Óscar de cine. Cada un escolleu unha categoría a premiar e elaborou a súa propia figura para representala. 

Mirade que resultados tan creativos!