Pola beira do río

sábado, 23 de xuño de 2018

FESTIVAL DE FIN DE CURSO

Co Festival desta semana damos por rematado o noso proxecto: "Desenterrando os nosos tesouros". Como podedes comprobar reflexamos moitos dos coñecementos adquiridos ao longo deste curso. Infantil adicoullo ás xacias; 1º e 2º á Illa de Ons, 3º falou dos oficios tradicionais e rematou cun marchoso baile, 4º cantou unha cantiga popular, 5º fixo unha representación e cantiga do muiño e 6º fixo a súa despedida cunha fermosa poesía.









Parabéns a todo@s e felices vacacións!!!!


mércores, 20 de xuño de 2018

CONTACONTOS POR PARTE DOS ALUMN@S DO INSTITUTO ILLA DE ONS

Sara, Laura, Jenifer e Antía son alumnas do IES Illa de Ons e hoxe visitaron aos máis cativos do noso colexio para contarlles diferentes historias. Os contos foron: Chocolata; O pirata pata de lata; Xanardán e a becha e Conto para contar mentres se come un ovo frito. Encantaron aos nosos nen@s e estamos desexando que volvades.






Moitas grazas rapazas e volvede cando querades!!!!!

OS MÁIS LECTORES DESTE CURSO

Xa sabemos quenes son os máis lectores deste curso. Destacar que son dous nenos de 2º de Primaria: Samuel e David e unha alumna de 5º de Primaria: Alba.


Parabéns!!!!

martes, 19 de xuño de 2018

REMATAMOS O CLUB DE LECTURA DE ADULTOS

Tapa da obra publicada por Galaxia
Este 19 de xuño rematamos as xuntanzas do club de lectura de adultos, no presente curso, falando de "Todo canto fomos" de Xosé Monteagudo publicado pola editorial Galaxia.
Partindo dun inicio onde a existencia de multidude de personaxes parecen desbordar ao lector, unha trama tece ao longo dos capítulos a conexión que os vincula.
"Procurei anotar nun caderno os nomes dos personaxes, afondar nas súas características e descubrir a súa relevancia no argumento; así como o parentesco, amizade,... Deste xeito entrelazaba nomes e satisfacía curiosidades" argumentábase.
"Gustoume, ainda que deixou un certo pouso de amargura cando Amaro, un traballador, un emigrante, un triunfador, vese destrozado pola Guerra Civil e as súas consecuencias ata esnaquizalo";
"O coñecemento da historia debería permitirnos non caer nos mesmos erros", "Gocei coa súa lectura o reflectir de maneira significativa un período, aínda relativamente recente, convulso e inxusto: un dictador é un dictador e así debe estar recoñecido na historia dun país, sen ambigüidades". Foron outras opinións.
Empréstito en https://www.galiciale.gal/
As xuntanzas celebráronse na Biblioteca pública municipal en Cela, no Torrecino, nunha colaboración entre bibliotecas escolares e municipais.
Graciñas a todos!!



Graciñas polo voso tempo e as vosas lecturas: un pracer


luns, 18 de xuño de 2018

PREMIADA DO VI CERTAME DE RELATO CURTO

No mes de febreiro todos os alumn@s de 5º de Primaria participaron no VI CERTAME DE RELATO CURTO organizado por FANPA. Participaron un total de 1098 nen@s e destacar que escolleron a 120 finalistas e, entre eles, atopábase unha alumna deste curso: Xiana Dios. A semana pasada foi a entrega de premios e a nosa alumna non foi premiada, pero si que foi publicado o seu relato pola editorial Kalandraka.




Parabéns Xiana!!!!

domingo, 17 de xuño de 2018

RECOMENDACIÓNS DE VERÁN

Xa estamos rematando este curso e gustaríanos que este verán tivérades unhas lecturas divertidas. Aquí tedes as nosas recomendacións lectoras



E non esquezades que a nosa biblioteca convídavos a que levedes libros nas vosas maletas durante as vacacións.


Felices vacacións!!!!


sábado, 16 de xuño de 2018

A VOSA OPINIÓN IMPORTA

Esta semana acabamos de recoller as enquisas que fixemos aos alumn@s e mestres. Fixemos dous tipos:
 Primeiro quixemos coñecer a opinión dos nen@s sobre as Mochilas Viaxeiras.


En xeral, gústalles aínda que opinan que debemos facer algúns cambios nelas como: que leven libros de cómic, animais, cociña, manualidades, arte, algunha película... Tamén destacar que hai cursos que piden poder eles elixir o que ten que levar a mochila. Todos estes datos os teremos en conta o vindeiro curso cando preparemos as mochilas.

A segunda enquisa foi para os mestres e alumn@s para valorar o uso da biblioteca.




Os resultados mostraron que a nosa biblioteca e empregada con moita frecuencia por todos; que utilízase para diferentes usos (préstamos, participar en actividades, resolver dúbidas...); as seccións máis empregadas son ciencias, emocións, deportes, arte, cómics e literatura en galego; valórase aos axudantes da biblioteca ben e coñecen o noso Blog.
Como suxestións piden materiais para o alumnado con necesidades, aumentar os fondos dalgunhas seccións... 
En resumo, os usuarios da nosa biblioteca están satisfeitos e nos sentímonos moi contentos.
Moitas grazas a tod@s!!!