Pola beira do río

domingo, 2 de outubro de 2022

No contexto lingüístico se abre o telón

Neste primeiro plan de 3º e 4º traballamos sobre o cine e o teatro. Fixemos xogos para traballar a expresión oral, adaptación de contos ao teatro, creamos historias e promocionamos  películas. Tamén aprendimos a facer presentacións no ordenador á vez que investigamos   sobre estas dúas artes, utilizamos o kamishibai  e fixemos unhas  entradas moi creativas  para acudir a un espectáculo.

                  
        


  

  










luns, 26 de setembro de 2022

Traballando todos os ámbitos STEAM

Na materia de Robótica, onde traballamos todos os ámbitos STEAM, comezamos a familiarizarnos coa linguaxe da programación. 

Facemos un percorrido por distintas fases para avanzar desde programacións máis sinxelas ás máis difíciles, e logo poder crear desde cero as súas ideas. Quen sabe que prototipos serán capaces de artellar?

Como vai bo tempo, podemos traballar ao aire libre, e así inspirámonos. A primeira sesión foi moi ben, o alumnado de 6°ten moita intuición. Hoxe propuxeron algunhas ideas moi orixinais para traballar ao longo do curso, como empregar a robótica para axudar á xente que ten dificultades na vida cotiá.






Seguiremos contándovos os nosos avances!



mércores, 21 de setembro de 2022

Saída ao FIC



Voltou a normalidade e con ela recuperamos a saída ao FIC; Festival Internacional de Curtas de Bueu, que é unha dasque sempre facemos ao inicio do curso. Fixemos un traballo antes e despois do visionado das curtas e aproveitamos a mañá para xogar pola nosa contorna.

          





Contexto científico: a biodiversidade do ecosistema de costa

O primeiro grupo de 3° e 4° do Contexto Científico fixo unha saída para estudar a biodiversidade do ecosistema de costa nunha praia que nos resulta moi familiar... Agrelo! Vimos aves, crustáceos, liques, peixes, bivalvos, algas... E sacamos unhas fotografías moi interesantes para seguir traballando en equipo os próximos días nos recantos. 


Pasámolo tan ben que case quedamos a comer na praia! O xoves que vén repetimos co outro grupo, a ver se temos a mesma sorte co tempo.






Seguiremos informando das nosas investigacións, estade atentos e atentas!

domingo, 18 de setembro de 2022

Formación de usuarios

Comezamos coa formación de usuarios do alumnado de 4º a 6º de educación primaria. Qué ganas tiñamos de volver a xuntarmos e compartir  tempo de lecer na biblioteca. A partir de agora cos profes encargados teremos alumn@s colaboradores, e como podedes ver temos moitos voluntari@s.

Visitaron as diferentes seccións da biblioteca e recibiron formación da coordinadora.




venres, 9 de setembro de 2022

Se abre o telón!

 Benvidos ao novo curso cheo de teatro!

Arrancamos co novo proxecto"Arriba  o telón" , e para dar por inaugurado o curso que mellor benvida que a dos profes cunha presentación teatral !



 
Continuamos con xornada lúdica para reencontrarnos, coller enerxía e arrancar con moita forza nun ano no que volve a normalidade . 







 






E facendo dinámicas  na biblioteca ! 



                                                    Que viva o teatro! Arrancamos!