Premio no concurso de podcast Radio na biblio

Hoxe estamos de Noraboa! Recibimos  a noticia da resolución dos premios do VII Concurso de Podcasts Radio na biblio. Un programa realizado en clave de humor polo alumnado de 3º e 4º de primaria, sobre as Cantareiras homenaxeadas nas Letras Galegas.

Sabichón 2P2 é un robot extraterrestre que , a través da súa descoberta inesperada coa cultura galega, descobre a importancia das cantigas Polulares. 

Podedes escoitalo aquí!

Coma en cada produto final, hai un gran traballo detrás. Nesta ocasión aproveitamos para investigar sobre as Cantareiras, as nosas raíces e as nosas homenaxeadas nas Letras Galegas. 

Noraboa a tod@s. Un traballo de cine, nun curso de película!

    

Letras Galegas 2022: Florencio Delgado Gurriarán

Este ano coñecemos ao poeta, Florencio Delgado Gurriarán, homenaxeado polo Día das Letras Galegas. Fixemos unha exposición e concurso en colaboración coa A.C Costumes de Cela, propoñendo unha interesante actividade chea de respeto e amor pola nosa contorna como facía o autor (agro, xente, construccións, gastronomía...) e destacando tódalas virtudes que fan de Cela un lugar único. 

Este ano fixemos unha pequena exposición cos carteis enviados desde a xunta, e completamos cos traballos do alumnando sobre a nosa contorna. Estes traballos forman parte do concurso da Asociación cultural e que estarán expostos tamén o día 21 durante a festa que se está a organizar. Aquí temos unha pequena mostra do que fixeron por aulas:

Infantil - o que máis lle gusta de Cela.

Primeiro e segundo - as súas praias.

Terceiro - as festas

Cuarto - as construccións

Quinto -  os camiños de Cela

Sexto- as escolas da contorna; relacionándoo coa PDI deste ano: "Os planos da memoria"

Torneo escolar de oratoria

O venres pasado tocoulles aos alumn@s de 5º e 6º de Primaria participar no Torneo de oratoria da Fundación Barrié na cidade da Coruña. O alumnado fixoo tan ben que pasaron á final.

Moitos parabéns e a seguir ensaiando para a final!!

Torneo escolar de oratoria

 O 29 de abril cinco alumn@s de 3º e 4º de Primaria participaron no Tornero de oratoria da Fundación Barrié. Conseguiron clasificarse na primeira posición, polo que dentro de tres semanas acudirán á final.

Moitos parabéns aos cinco valentes!!!

Torneo de oratoria

Concurso ONCE

 Os nenos e nenas de 3º de Educación Primaria participaron no concurso da ONCE "El camino que nos hace iguales". Están moi ilusionados porque percorreron moitos camiños para acercarse á inclusión e entender un pouco mellor as necesidades das persoas con discapacidade visual. 

Fixeron un cartel representando a palabra SUMA cos seus corpos. Os catro camiños que se ven representan os distintos traballos que fixeron para tratar de eliminar barreiras para as persoas cegas. 

Primeiro percorreron o camiño verde buscando barreiras dende clase ata o ximnasio, e atoparon moitas! A continuación seguiron o camiño vermello, que lles fixo reflexionar sobre como eliminar esas barreiras. Despois comezaron o camiño azul buscando a axuda do alumnado de 6º de Educación Primaria, de compañeir@s do cole de Beluso que xa traballaran o ano pasado sobre isto, da Asociación de Nais e Pais e do Centro de Recursos da ONCE. Finalmente percorreron o camiño amarelo valorando todas as melloras conseguidas para as persoas con discapacidade visual. Ao longo do camiño, sobre o fondo branco, colocaron fotografías do traballo realizado. 

Tamén fixeron un pequeno vídeo para que poidades ver algunhas partes do seu traballo.

Destacar que o traballo gustou ao xurado, xa que pasamos a fase provincial! Agora estamos a espera da rexional e nacional.

O mellor é que o noso camiño  continuará para facer da nosa escola un lugar cada vez máis accesible e inclusivo. 

GAÑADORA CONCURSO FEIRACO

Os alumn@s de 3º e 4º de Primaria participaron no concurso de Feiraco das Letras Galegas e tivemos a gran alegría que a gañadora foi unha alumna do noso centro.

 Moitos parabéns Leire. Un traballo fantástico!!!

TRABALLOS DO CONCURSO FEIRACO LETRAS GALEGAS 2020

Os alumn@s de 3º e 4º de Primaria participaron no Concurso de artes plásticas organizado por Feiraco. Fixeron fermosas creacións que podedes ver a continuación.

Bo traballo e que a sorte vos acompañe!!!!

CONCURSOS FEIRACO. LETRAS GALEGAS 2020

Feiraco, en colaboración coa Secretaría Xeral de Política Lingüística, organiza dous concursos con motivo das Letras Galegas 2020. 

Animádevos a participar!!!

- Certame de Relatos Breves Feiraco, concurso convocado por esta empresa e a SXPL co fin de fomentar a creatividade literaria en galego. Debedes enviar, ata o 31 de maio, microrrelatos que comecen coa frase: “Á sombra daquel carballo centenario…”. O podesde consurtar na seguinte ligazón: Certame Relatos Breves

- Certame Infantil de Artes Plásticas Feiraco 2020, outro concurso organizado pola entidade láctea e a SXPL, que premia obras plásticas do alumnado de 3 a 12 anos  nas que se reflictan o valor a lingua e a literatura galegas . O prazo de presentación remata o 31 de maio. O podedes consultar na seguinte ligazón: Certame Infantil de Artes Plásticas

CONCURSO PARA ECOHEROES

Xunto con Voz Natura temos unha proposta moi interesante para ecoheroes: "O Concurso océanos que unen"

Co motivo da celebración do Día Mundial dos Océanos, o próximo 8 de xuño, Campus do Mar presenta «Océanos que unen», un concurso de debuxo e fotografía que busca reflectir a diversidade dos océanos e no que poderá participar toda a familia. As obras presentadas poderán reflectir a diversidade oceánica a través dos procesos mariños ou a súa biodiversidade, tamén os océanos como fonte de recursos e economía azul ou como espazo de encontro.

Para concursar deberanse remitir as obras a través da dirección de correo electrónico: oceanosqueunen@campusdomar.es 

Para presentar os traballos, a data límite de envío será o venres 29 de maio ás 14.00 h ( CET). Toda a información necesaria podedes atopala no ligazón que poñemos a continuación.

Animádevos a participar. I´ve got the power!!!

Bases do concurso

CONCURSO ANIMALOTES

Sempre quiseches ser escritor? Gústache debuxar? 

Aquí tes un novo reto: Crea a túa propia historia a partir das primeiras páxinas da nova aventura de Animalotes. A historia ten que ser en forma de cómic e o prazo para participar é ata o 22 de maio. A continuación está a ligazón con todos os pasos a seguir: CONCURSO ANIMALOTES. 

E o agasallo para o gañador/a é un lote de libros valorado en 50 euros.

Animádevos a participar!!!