O xoves pasado os meus amigos e amigas de 1º e 2º de primaria aproveitaron unha saída ao teatro Abanca de Pontevedra para dar un paseo pola beira do río Lérez.
Percorreron o tramo que está na chamada Xunqueira, e alí observaron quen vive nese río. Miraron a vexetación, as árbores e varios tipos de aves, pero non atoparon nin un peixe e prácticamente ningún insecto. Eles mesmos decatáronse dunha cuestión moi importante. Nas súas propias palabras: "este río ten pouca vida".
Observaron manchas de contaminación, lixo tirado na beira e na propia auga.
Terminaron o paseo sendo conscientes do dano que fai a contaminación á vida no ecosistema do río. Así que voltamos á clase tendo moito que pensar e reflexionar sobre o tema.
Pronto máis novas. Espérovos cos libros abertos!!!
Ningún comentario:
Publicar un comentario