Contexto humanístico: a Idade Moderna e a Idade Contemporánea

Estas nenas e estes nenos de 5º e 6º son unhas fenómenas e uns fenómenos! Non vos ides a crer o que foron capaces de facer e, coma sempre, mediante a nosa filosofía de… SuperARTE!

Neste Plan II do Contexto Humanístico estudamos dúas Idades Históricas: A Idade Moderna e a Idade Contemporánea. Para profundizar todos os acontecementos históricos, no Recanto 1. “Informático” cada grupo realizou unha presentación mediante a aplicación GENIALLY, na cal debían escoller un acontecemento histórico e traballalo a partir de todas as oportunidades que nos da esta app. Despois, xa no 2º Recanto. “Buscando Historias”, cada grupo debeu recordar toda esa información recompilada no seu Genially e facer ca aplicación de moda… o TIK-TOK un vídeo informativo cunha serie de pautas: ter texto, música, que saliran todos os membros do grupo, que fora un bo vídeo sobre ese acontecemento histórico e non debemos esquecer que… sempre con educación, respecto e seguridade pola escola, xa que foi ao aire libre! 

   

Case rematando, no Recanto III. “Vivimos en sociedade” deberon escoller un invento xa feito ou inventar outro para poder mellorar algún problema da actualidade ou do futuro. Houbo de todo! Máquinas que curan o cancro con células nai, máquinas que curan o COVID-19 e miden a temperatura, brúxulas dixitais, mesas antiCOVID-19 para poder cear este Nadal ca familia, máquinas que limpan os residuos do fondo do mar... Para iso utilizaron a aplicación TinkerCAD, a cal nos permite facer figuras tridimensionais para poder imprimilas despois na nosa Impresora 3D da Biblio, axudados e axudadas sempre polo noso Torriño claro. Xa sabedes por onde imos, verdade? 

Pois sí, o recanto final, o Recanto IV. “Creativo” foi a impresión en 3D da noso invento realizado no anterior recanto. Aprendimos tamén a utilizar a máquina e sobre todo… quedamos abraiados e abraiadas co seu funcionamento!

  

 

    SuperARTE!