E voltou o día en que volveron as excursións tal e como as sentiamos antes da Covid. Nesta ocasión, o alumnado de terceiro a sexto de primaria, acudiron a Santiago de Compostela para seguir a traballar sobre o noso PDI Arriba o telón.
Alí visitamos o Centro Dramático Galego e o IES de Brión, onde coñecimos un pouco máis sobre o mundo de teatro por dentro, como se prepara unha obra, do que pasa entre bastidores e de como pode quedar o resultado final. Recibiunos o Teatro das Maniotas que ven de recoller o Premio Buero de Coca Cola, todo un privilexio contar cunha parte da representación do seu musical. Tamén responderon a todas as nosas dúbidas e xa estamos moito máis motivados para seguir a traballar.
Tivemos tamén tempo de lecer e desfrutamos coñecendo a nosa capital, un día do máis aproveitado.
Agora toca seguir aprendendo e traballando durante todo o curso con este tema tan interesante e que nos encanta : )
ARRIBA O TELÓN!
Ningún comentario:
Publicar un comentario