Hoxe foi un día especial no noso cole para a cativada de infantil. Recibimos a Sabela Gago, magnífica contadora por xentileza da editorial Sm. A nosa biblioteca transformouse nun mundo máxico cheo de palabras, imaxinación e emoción.
Desde o primeiro intre, todos os nenos e nenas quedaron atrapados polos seus relatos. Houbo momentos de risa, de sorpresa e intriga. As historias transportáronnos a mundos fantásticos, poboados por animais faladores, valentes exploradores e soños que podían tocarse cos dedos. Pero o mellor de todo foi a aprendizaxe que quedou en cada corazón: a importancia de soñar e a beleza de compartir historias.
Un fermoso día para facer un peche de abril mes dos libros coma se merece. Gracias a editorial Sm por facelo posible!
Ningún comentario:
Publicar un comentario