O pasado xoves vivimos un deses momentos que quedan gravados nas páxinas en branco do noso corazón. Reunímonos na biblioteca da Torre Encantada dos Soños, para compartir as nosas impresións sobre un libro moi especial: Doña Problemas, rescatadora de mascotas.
Cando nos mergullamos nas páxinas de Doña Problemas, sabiamos que nos esperaba unha aventura divertida, pero o debate superou todas as expectativas. Os nosos lectores encheron a Torre coas súas pasaxes favoritas e os momentos tan divertidos que Dona problemas sempre nos fai pasar.
Con este encontro pechamos un club de lectura máxico na biblioteca da Torre Encantada. O curso remata, pero as lecturas nunca morren. A mascota desta historia xa está a salvo, e os nosos libros... listos na estantería para a vindeira aventura!
Ata o vindeiro curso, lectores! O universo está cheo de historias, pero as máis bonitas son as que escribimos xuntos lendo.
Ningún comentario:
Publicar un comentario