Entroido de cine

Este ano, no CEIP Torre Cela vivimos un Entroido digno das mellores alfombras vermellas. O noso proxecto anual está  centrado no fascinante mundo do cine, e aproveitamos esta inspiración para converter o noso Entroido nunha auténtica homenaxe á sétima arte,  porque o noso lema  este curso é... un cole de película!

Os alumn@s de primeiro e segundo pasaron por Radio Faladoiro para presentar un Entroido de película.   

Cada recuncho do colexio cobrou vida con creatividade e emoción. As nosas aulas mergulláronse nos universos máis máxicos e emocionantes:

En Del revés 2,o alumnado de educación infantil explorou as emocións  e disfrazáronse  para representar a alegría, a tristura, o enfado e máis sentimentos que fan única a experiencia de ser humanos.

Os simpáticos Minions tamén tiveron o seu momento de gloria co alumnado de primeiro e segundo de primaria, traendo sorrisos e diversión con esas ocorrencias que só eles saben facer.

Aventurámonos polos mares xunto aos Piratas del Caribe cos nenos e nenas de terceiro e cuarto, onde o espírito de aventura e os misterios dos océanos nos fixeron soñar.

 

E, por suposto, a forza estivo connosco grazas aos disfraces inspirados en Star Wars, que nos transportaron a galaxias moi, moi afastadas.

Este Entroido, cada neno e nena, cada docente, cada familia puxo o seu gran de area para que esta celebración fose inesquecible. Non só disfrutamos do cine, senón que aprendemos a compartir, a expresar emocións e, sobre todo, a traballar xuntos para crear algo máxico con actuacións musicais que  pasaron por escenografías,  coreografías, cancións e bandas sonoras.

Con esta festa, lembrámonos de que a imaxinación non ten límites, e no CEIP Torre Cela, estamos listos para seguir rodando historias que inspiren, divirtan e transformen.

Que viva o Entroido. Este curso será de película!