FORMACIÓN DE RADIO DO ALUMNADO DE 4º E 5º DE PRIMARIA

Esta semana os alumn@s de 4º e 5º de E.P. recibiron unha FORMACIÓN DE USUARIOS DA RADIO por parte de Javier Prado. Nesta formación traballouse primeiramente a locución, que permitíu aos nen@s darse conta de que a través da voz pódese transmitir máis información da que as propias palabras din: estado de ánimo e sentimentos da persoa que fala, a quen se está dirixindo... E a continuación traballamos baseándonos no modelo do reto. Para iso dividimos ao alumnado en grupos. Propúxolles tres retos: 

 - Un sobre a contorna para investigación documental. Consistía en promocionar o noso colexio falando das cousas boas que se poden atopar nel e na nosa contorna.

 - Outros dous para dramatización de historias. Os nen@s dramatizaron os contos "Loboferoz" e "Corre, corre cabaziña"e ademáis buscaron a música e os efectos sonoros que encaixaban coas distintas partes do conto.

 - O último reto estivo relacionado coa biblioteca.Tiñan que facer unhas recomendacións lectoras e falar das novidades que podemos atopar agora mesmo. Despois de que cada equipo tivo o guión preparado foron a gravar na radio .