Seguimos coa festa das nosas Letras! Letras Galegas 2023

Neste curso coñecemos a figura de Francisco Fernández del Riego, autor homenaxeado neste curso e o creador do Día das Letras Galegas.

 Fixemos  traballos para fomentar o uso da lingua e coñecer a eses grandes personaxes que en tempos complicados fixeron moito pola nosa cultura e o noso idioma: deseñamos cartaces, fixemos investigacións sobre autores homenaxeados, pasamos por Radio Faladoiro para reflexionar sobre isto.

Co alumnado de quinto e sexto gravamos na radio en xénero teatral, a biografía de Francisco Fernández del Riego, unha adaptación de Eva Mejuto.

 Inventamos historias  que aconteceron en Galicia, a partir de xogos de expresión oral e  coa aplicación animaker

Fixemos un  programa especial das Letras Galegas co alumnado de terceiro para Radio Voz, e aprendemos a grabar e controlar o son no control.

Tampouco podía faltar un traballo sobre os Maios, que tamén fomentan o uso da nosa lingua e o coidado das nosas tradicións:  inventamos e cantamos coplas e fixemos maios con moita creatividade.

E seguimos traballando sobre isto no último plan  do contexto lingüístico; sobre Galicia, as nosas tradicións, os nosos escritores e escritoras, as nosas letras, a nosa lingua!

LETRAS GALEGAS 2023. ARRIBA OTELÓN!

O 17 de maio  deste 2023 cumpríronse  60 anos do 1º día das Letras Galegas. Precisamente o homenaxeado, Francisco Fernández del Riego foi o inventor desta celebración. Activista, intelectual, presidente da Real Academia Galega, gran impulsor das letras e da cultura galega moderna e cofundador da Editorial Galaxia. Recibe este homenaxe por estas e moitas máis razóns, pero en especial pola súa labor de editor.

Rike escribiu" a verdadeira patria dos homes é a súa infancia"

E nós, botamos atrás a memoria para rescatar, traducir e editar en formato teatral contos clásicos con tramas máis modernas. O 16 de maio celebramos o Día das Letras Galegas por todo o alto, cunha representación que veu ser o produto final do noso PDI "A  noite dos contos estilo Cela", cun fío condutor narrado polo alumnado de sexto, cada nivel versionou e  adaptou ao teatro un conto. O traballo posou pola aprendizaxe do guión, a posta en escena, a confección de vestiario e atrezzo, a montaxe, a iluminación, o son, a edición de carteis e entradas ... un espectáculo completo que quere por o broche de ouro a este proxecto que tanto nos deu. ARRIBA O TELÓN!

Como vos dicíamos, todo isto puxémolo en práctica o martes día 16, no Centro Social do mar de Bueu e acompañáronnos moitas familias e a comunidade educativa.

Aquí vos deixamos unha recompilación de bos momentos da representación da nosa obra "A NOITE DOS CONTOS ESTILO CELA".

Agardamos que desfrutarades tanto como o fixemos nós! 

Que boa maneira de celebrar!

ARRIBA O TELÓN!

OBRADOIRO CREATIVO DE RAP!

Este xoves, día 11 de maio, o alumnado de 4º, 5º e 6º de primaria, realizaron un entretido obradoiro relacionado coa biblioteca creativa, pero nesta ocasión, teatralizando, no mundo do RAP.

Foi levado a cabo por Pedro Iglesias, a cargo do grupo de rap galego,  TIAM GZ, entre outros.

Pedro mostrouse moi atento e participativo, explicándonos primeiro as diferenzas entre rap e poesía e deunos unhas técnicas para medir versos e rimas, pero ao ritmo do rap!

Foi súper orixinal!

Despois chegou o momento de poñerse mans a obra a practicar e tocoulle aos nenos e nenas inventar eles mesmos/as, as súas propias creacións neste campo!

 

Foi moi interesante cando o compartiron cos demais compañeiros e quedaron creacións moi orixinais!

Canto aprendemos hoxe!

Continuamos e... #ARRIBA O TELÓN!

Abril, mes dos libros

En abril, aproveitamos a celebración do día do libro para fomentar a lectura. Durante este mes traballamos arredor dos nosos libros e escritor@s  favoritos, e fixemos traballos sobre eles para practicar  oratoria.  Podedes ver  o resultado porque  pasamos por Radio Faladoiro.

Nesta gravación  podedes escoitar unha fermosa homenaxe a Ledicia Costas, realizada polo alumnado de terceiro e cuarto.

Nas seguintes gravacións, podedes escoitar  unhas  recomendacións lectoras realizando un elevator pitch. 

     

 

Na imaxe, Pechacuchas, formato de presentación sencilla e informal sobre escritores.

Tamén fixemos tres   actividades que xa no noso cole non poden faltar na celebración do día do libro : hoxe no patio libro,  apadriñamento lector e gravación de booktubers.

Nos seguintes vídeos podedes ver un exemplo dos booktoubers realizados.

 

En relación co noso proxecto anual, neste mes tocou teatro de marionetas que construímos  de xeito caseiro para representar. Algúns guións foron inéditos e outros escritos e adaptados a partir de contos. Pasamos para biblioteca para mostrar o noso traballo aos máis cativ@s.

Arriba o telón!

Xuntanza de club de lectura co CEIP MONTEMOGOS

O pasado venres 21 de abril, dentro das actividades de Abril mes dos libros, o alumnado de sexto realizou unha xuntanza de club de lectura co alumnado de sexto do Ceip de Montemogos sobre o libro “Mamá, quero ser Ziggy Stardust” á que asistiu a autora, Iria Misa. 

Durante o segundo trimestre os grupos de sexto dos centros de Cela e Beluso leron esta historia que fala sobre o proceso de transición social dun neno trans e das dificultades que iso implica. O proceso de lectura nas aulas resultou moi interesante xa que suscitou debates sobre diversos temas moi relevantes para o alumnado de estas idades coma a identidade de xénero, a aceptación social, a importancia do apoio da contorna…

Con todas estas reflexións, o alumnado asistiu ao encontro coa autora e cos que o vindeiro curso serán os seus compañeiros e compañeiras no instituto. 

A xuntanza resultou moi enriquecedora. A autora explicou todo o proceso de aprendizaxe e documentación que precisou para escribir sobre este tema. Contou que coñeceu a varias familias de nenos e nenas trans a través da asociación Arelas, de Vigo. Tamén falou sobre a figura de David Bowie como personaxe transgresor e creador da súa época e como empregou esas características para vincular ao protagonista do libro, Aine, co artista. 

O alumnado expresou as súas opinións sobre o libro e preguntou á autora sobre como comezou a escribir, que libros lía para inspirarse e moitas outras cuestións sobre o proceso de creación. Falaron tamén sobre as ilustracións do libro e a importancia das mesmas para apoiar a historia. Unha alumna de sexto do Torre Cela, Leire, aproveitou para amosar o seu interese polo mundo da ilustración e o seu talento para o debuxo cunha ilustración de Ziggy que preparou para a ocasión. 

Para rematar, a autora asinou a cada alumno o seu exemplar cunha dedicatoria personalizada para cada un e unha. 

A valoración da xuntanza resultou moi positiva, tanto no relativo á animación a lectura como na actividade de convivencia entre o alumnado dos dous centros. 

Agradecer a organización da mesma á orientadora dos centros, Vanessa; ao Concello de Bueu por ceder a sala Amalia Domínguez Búa e á editorial Xerais por facilitar a visita da autora. 

Traballando no produto final. Arriba o telón!

Durante este mes recibimos a visita dunha nai que traballa no teatro como diseñadora de atrezzo e recursos escénicos.Con  Denisse, nai de Luma,  fixemos un repaso das moitas persoas que traballan nun teatro, que non son só os actores e actrices.

Logo pasamos polas mesas de traballo para confeccionar os nosos disfraces para a representación de Fin de Proxecto.

Ademáis nos axudou na realización do Atrrezo, facendo un Periacto, que é un prisma xiratorio inventado no teatro grego. Era utilizado para facer cambios rápidos na escenografía, e se adapta moi ben para a nosa representación.

Agora xa temos todas as directrices para a gran representación. Estade atentos. Arriba o telón!