Recomendacións para verán

Torriño quere recomendar libros e xogos para este verán. Porque se vas de viaxe... leva libros na equipaxe!!

Agasallos de Torriño

Torriño quixo agasallar ao alumnado de 4º e 5º que colaborou como axudante de Biblioteca este curso. Fixérono tan ben!!! Grazas por todo o traballo!!! E tamén tiña unha sorpresa para o alumnado máis lector de cada aula. Grazas Torriño!!!

Que soa no timbre?

Este curso tivemos un timbre moi especial. Aproveitando o noso proxecto "Son de Cela" cada mes unha das clases elexiu a canción que soaba no timbre dos cambios de hora por todo o cole. Estivemos moi entretidos e aprendemos moito de grupos musicais, algúns coñecidos e outros non! Cada clase preparou o cartaz informativo para cada canción. Bo traballo!!!

Visita Protectora de animais do Morrazo

Rematando o curso rematan tamén os proxectos de aula. O alumnado de 5º traballou sobre os animais de compañía durante e como actividade final visitounos a Protectora de animais do Morrazo para dar unha charla a todo o alumnado de primaria sobre a importancia de coidar aos nosos amigos peludos. Despois da charla o alumando de 5º visitou as instalacións da protectora e tiveron oportunidade de pasear uns cantos canciños que querían moitos mimos!! Grazas por esta fantástica experiencia!!

Club de lectura

Xa remata o curso e despedímonos tamén do club de lectura. Neste caso o alumnado de 2º ciclo desfrutou das historias recopiladas en "Fantasmada" da Editorial Anaya. Ledicia Costas e o noso querido Hematocrítico, entre outros, fixéronnos desfrutar moito deste momento lector compartido. Elaboraron un mural, intercambiaron impresións e pasaron un rato estupendo na biblio. Grazas por participar no club e ata o curso que ven!!

"¿Quien dijo miedo?"

O grupo de 5º de infantil recibiu unha visita moi especial. Unha vez máis recibimos ás fantásticas familias que forman parte da nosa comunidade. Neste caso, mamá e tía presentáronnos un conto moi especial. O conto está escrito e ilustrado por Ana Sánchez, tía dunha das alumnas, quen acompañou tamén á mamá da mesma alumna para facer para todo o grupo a presentación. Ana é profe nunha academia de artes plásticas (Alquimia) en Pontevedra. O conto amosa como o cotiá convértese en extraordinario cando aplicamos a luz e o enfoque axeitados. Despois de escoitar o conto decoraron un lucecú nun anaco de madeira e recibiron un pin cunha estrela, agasallo da autora. Grazas pola visita e por presentarnos este fermoso conto!

Festival Art for Change

Celebramos o Festival Art for Change, organizado polo IES Johan Carballeira e no que colaboramos todos os centros educativos de Bueu. Este ano a temática estaba relacionada coa arte castrexa e a mitoloxía celta. Colaboramos con traballos realizados por todo o alumnado para colaborar con entidades benéficas. Neste caso Amencer e A Illa dos Ratos. Todas as comumidades educativas colaborando e desfrutando dunha xornadaque resultou un éxito!