Ana Alonso tamén estivo co alumnado de quinto e sexto de primaria. Nesta ocasión o reporteiro da actividade foi Manuel Soliño de sexto de primaria. Bo traballo Manuel!
Onte, martes 8 de xuño, tivemos unha vídeo-conferencia coa escritora e tradutora Ana Alonso.
Comezou dicíndonos que cando estaba en 5º de primaria, publicaba na revista escolar,
pero cando chegou aos 13, deixou de ensinarlle a xente os seus escritos e comezou a escribir en segredo. Gardábaos todos no armario, debaixo da roupa.
Ao chegar a universidade estudou Ciencias Biolóxicas e un día, lendo o xornal, atopou un anuncio dun concurso de poesía; lembrouse de todos os cadernos que tiña cos seus escritos e decidiu participar.
Os premios que lle daban ao gañador do concurso eran os seguintes: un pouco de cartos, publicar o libro de poesía e unha viaxe a París. Afortunadamente gañou, e iso fixo que seguira participando en concursos para poder publicar as súas poesías.
Ao nacer o seu fillo, comezou a escribir literatura infantil e xuvenil, para que el puidera lelos cando fora máis maior.
Ana Alonso, fixo o libro “Los tres peregrinos” por unha simple razón: non podía facer o Camiño de Santiago. Isto débese a que cando tiña 10 anos sufriu un accidente de coche co que partiu todos os ósos do pé.
Para min o máis importante é que respondera ás miñas preguntas: por que pasou a maior parte da súa vida en León e por que coñece tan ben Galicia.
En xeral, gustoume moito a vídeo-conferencia e a súa forma de velo todo... cunha Pizca de sal.
Manuel Soliño
Ningún comentario:
Publicar un comentario