O Nadal máis máxico está en Torre Cela

O Nadal é un tempo especial no que as luces non só  iluminan as rúas  senón tamén  os corazóns. É a época na que os soños parecen máis próximos, porque cada desexo se envolve en  ilusión. No noso cole,  compartimos momentos que nos lembran que a maxia non está nos agasallos, senón na xente que nos rodea.

Pasamos por radio Faladoiro para facer programas máxicos, desfrutamos decorando o cole, cantando ao Nadal polas rúas de Cela, recibimos a visita de Papá Noel e celebramos unha fermosa festa de Fin de Ano.

Podedes escoitar aquí os programas de Nadal       

Tamén desfrutamos dunha serie de obradoiros por parte das familias do cole: cociña, contos, monicreques, costura, manualidades... tivemos de todo!

Cada neno e nena leva consigo un soño, pequeno ou grande, e o Nadal convídanos a crer que todo é posible. É tempo de amizade, de solidariedade e de imaxinar un futuro mellor. Porque cando soñamos xuntos, a maxia do Nadal faise realidade. 

Desexámosvos un Feliz Nadal e que se cumplan os vosos soños!

Club de lectura con Escuela de magia y otros cuentos

O Club de Lectura iniciou este curso cunha aventura fascinante: mergullarse  no libro Escuela de magia y otros cuentos, de Michael Ende. Un libro cheo de imaxinación, humor e situacións sorprendentes, que se converteu no punto de partida perfecto para abrir as portas da fantasía e da reflexión.

O alumnado de Primaria comezou así unha viaxe lectora moi especial, na que cada páxina é un convite a soñar, a rir e a descubrir mundos inesperados. A lectura compartida transformouse nun espazo de encontro porque ler xuntos  é máxico. É a posibilidade de vivir aventuras colectivas, de deixar que os soños se mesturen coas voces dos compañeir@s e de sentir que a literatura nos une e nos fai medrar.

Porque cando abrimos un libro en común, abrimos tamén un universo de ilusións compartidas. Ler xuntos tamén é maxia… e este curso promete estar cheo dela.

Este curso será máxico!

Un 25 N moi máxico

 Este 25 de novembro, Día Internacional contra a Violencia de Xénero, o noso cole,  quixo sumar a súa voz e os seus soños a favor dun mundo máis xusto e libre de violencia.

Traballamos en parellas T + t, para crear cartaces cheos de mensaxes e lemas que melloran a convivencia e que expresan o noso desexo de construír un futuro no que todas as persoas poidan vivir en paz e respecto. No contexto lingüístico, pasamos polo Radio Faladoiro para gravar os nosos manifestos, nos que compartimos palabras de esperanza e compromiso. Cada voz sumouse á outra para dicir alto e claro que queremos que se cumpran os nosos soños dun mundo sen violencia. Podedes escoitalo aquí.

 

Estas actividades axúdannos a reflexionar, a aprender a convivir e a entender que a escola tamén é un espazo desde o que podemos transformar a realidade. Porque cada palabra, cada lema e cada voz conta na construción dun futuro mellor.

O 25 N, fixemos a marcha ata o adro da igrexa, acompañad@s polas familias, cos nosos cartaces cos que desexamos un mundo sen violencia.

En Infantil decoraron a árbore do respeto e traballaros con contos e manualidades para concienciar na boa convivencia.

 

Que se cumplan os nosos soños dun mundo sen violencia! 

Un magosto cheo de maxia

 O  10  de novembro, celebramos no colexio unha das festas máis queridas do outono: o Magosto. Foi unha xornada chea de alegría, xogos e sabor, onde o alumnado puido conectar coa tradición galega. O momento máis agardado chegou co arrecendo das castañas asadas e os chourizos á brasa. 

O patio encheuse de risas e movemento. Organizamos xogos populares e cooperativos que fixeron as delicias dos máis pequenos e tivemos a sorte de contar coa colaboración da Asociación Xoán XXIII para levar a cabo a xornada lúdica.

Entre bocados compartimos   historias, refráns e cancións que falan do outono e da vida no rural, e pasamos por Radio Faladoiro para facer uns programas especiais.

 

Queremos agradecer a todas as persoas que fixeron posible esta celebración: ANPA, profesorado, familias, asociación Xoán XXIII e, por suposto, os nenos e nenas que puxeron a alma nesta festa. 

O Magosto é moito máis ca unha comida: é memoria, comunidade é  alegría é maxia.Seguimos a celebrar a cultura galega, paseniño e con paixón. Ata o próximo Magosto!

Un día máxico na granxa

Visitar a granxa Serantellos foi coma abrir a porta dun soño: alí estaban, agardando por nós, cabras curiosas, coelliños brincadores, cobaias risueñas, tartarugas sabias... e mesmo unha vaca soñadora e un cerdiño que parecía saído dun conto! Os cativos amasaron bolos de pan coma se fosen alquimistas da fariña, crearon con flores como se tecesen feitizos de primavera, e recibiron cabazas saltarinas que semellaban encantadas. 

A actividade forma parte do programa Vive Rural financiado pola Deputación de Pontevedra e aínda que a choiva, caía de vez en cando, non fixo máis que engadir un toque de misterio ao día. Porque esta visita... foi moito máis ca unha excursión. E no vídeo... ben se ve que os soños, ás veces, vólvense realidade!

Un Samaín moi máxico

Celebramos o Samaín cunha xornada chea de obradoiros e actividades coordinadas polo equipo de dinamización da lingua. Colaboraron profes, nais, pais e ANPA, que colaboran sempre cunha decoración do máis incrible. 

Este ano tivemos obradoiro de cociña, truco o trato, just dance, manualidades, maquillaxe, apócema, contos terroríficos con Mari e Luis Davila (O Bichero) e unha busca terrorífica nun decorado impresionante inspirado no universo máxico de Harry Potter. 

Grazas a todos por facelo posible!!