Contexto científico de película

No contexto científico tamén traballamos no noso proxecto sobre o cine. Neste plan estudamos a  luz e a calor,  no cal empregando a técnica de stop motion, crearon curtas orixinais para explorar e ensinar os principios de luz e sombras. A técnica stop montion é un método de animación que da vida aos obxectos ou personaxes mediante unha serie de fotografías tomadas en secuencias. Primeiro pensaron  a idea  e cos materias que precisaron fixeron  os decorados obxectos e personaxes, para posteriomente realizar as fotografías. A montaxe faixe ensamblando os fotogramas cun programa especial, que crea a ilusión de movemento.

 Este enfoque creativo permite comprender de forma visual e práctica a interacción entre luz e  a imaxe, ao tempo que fomenta habilidades como a cooperación e a creatividade. Unha idea xenial para facer que a ciencia sexa máis divertida e accesible, nun cole de película!

Aquí podedes ver o produto final. Un traballo de película!

   

Este curso será de película!

Inauguramos o contexto artístico...DE PELÍCULA!

 Esta curso estreamos Contexto Artístico, que se suma aos xa coñecidos Matemático, Científico, Lingüístico e Humanístico e que leva a plástica á súa expresión máis creativa. 

Como este é un curso de película, comezamos estudando aos Lumière e a Méliès. Inspirados pola súa Viaxe a lúa,

 facemos creacións colaborativas para dar o pistoletazo de saída ao noso proxecto, o cine! 

Contexto lingüístico: a sétima ARTE

 

Os nenos de 5º e 6º comezaron este curso traballando e investigando no contexto lingüístico o marabilloso e amplo mundo do CINE. O cine, é unha das grandes ramas que abarca o noso proxecto anual do cole deste ano,   SuperARTE! 

Investigamos sobre o mundo do cine coñecendo cales foron as súas orixes, precursores e fundadores e os diferentes tipos de xéneros de cine que existen. Por grupos de traballo, eliximos unha película entre os 4 membros do mesmo e traballamos as diferentes técnicas e estratexias dos textos expositivos e persuasivos, compartimos opinións e puntos de vista. Tamén, utilizamos diversas ferramentas TIC para investigar acerca da película  elixida e aprendemos a realizar unha ficha técnica de cada unha das súas películas. Cada grupo converteu a súa película  na elaboración dun anuncio, promocionándoa e animando a  tod@ s a que as visen e gozasen dela!

 

Para poder ver os nosos anuncios pinchade  aquí! 

Arte no CONTEXTO MATEMÁTICO e ...moito máis!

 

No primeiro plan do contexto matemático traballamos coa medida do tempo. Como introdución reflexionamos sobre o paso do tempo e de como este aspecto fixo reflexionar a moitos pensadores e artistas ao longo da historia. Coñecemos a evolución dos instrumentos para medir o tempo e imaxinamos como sería a nosa vida sen horarios nin calendario. Observamos o cadro de Dalí ‘ La persistencia de la memoria’ e compartimos as sensacións que transmite.

Unha vez metidos no mundo do paso do tempo, comezamos o traballo por recantos: calculamos o tempo que tardamos en realizar actividades do máis variadas como saltar á corda, atar os cordóns ou escribir a data ao revés, tamén resolvemos problemas sobre a vida de distintos personaxes da historia e  tentamos resolver un enigma, practicamos os cambios de unidades, as equivalencias e as operacións con unidades de tempo.

  

E por último, no recanto Creativo fabricamos dous instrumentos para medir o tempo: unha Clepsidra (reloxo de auga) e un reloxo de sol.

    

                                                        Seguimos con ...SuperARTE!